CALAPE Ang Visayas Amateur Athletic Assosciation (VAAA) mipahigayon og duha mga duwa sa Mens Basketball kaniadtong Domingo (Des. 14) sa Calape Gym.
Ang Salazar Colleges of Science and Institute of Technology (SCSIT) Skyblazers nga gikan sa Cebu, milubong sa University of Bohol sa eskor 109-62.
Samtang ang laing Sugbuanong kuponan, ang Asian Colleges of Technology (ACT), mipildi sa Bohol Institute of Technology-International College (BIT-IC), 105-87.
Si Ferdinand Lusdoc sa BIT-IC ang migawas nga topscorer sa tanan, nga mitala og 35 ka puntos, batok sa ACT. -dM
